Diolch, Dewi

Un o fil.

Diolch i’r gŵr arbennig hwn, Dewi Williams, am roi 23 mlynedd o wasanaeth i Wasg y Bwthyn, nifer fawr ohonyn nhw’n wirfoddol fel Swyddog Cyllid. Heb gyfraniad o’r fath, ni allai’r wasg weithredu. Rydan ni’n gwerthfawrogi’n arw ddiwydrwydd tawel a llafur anhunanol yr aelod allweddol hwn o’r tîm ac yn dymuno ymddeoliad haeddiannol iddo. Bu’n fraint ac yn bleser cael cydweithio efo chi, Dewi!

Diolch, Dewi!

Rhoi to i’r Bwthyn inni,

‘morol am ei sylfeini:

cymwynaswr mwy ni chawn

na Dewi llawn haelioni.